Hawao ne fir rukh badla hai
Lagta hai koi toofan aane wala hai

Pass na hi diwali na ramzan aane wala hai,
Chor bazaar me fir halchal si hai machi,
Samander se tashkari ka samaan aane wala hai..

Sambhalne ka mauka ab na milega,
Agale sadak par wo aakhiri mukaam aane wala hai..

Lagta hai koi toofan aane wala hai...

Ek afsana bata de
Mujhe koi gana bata de
Gungunau tujhe dekh kar
Aur tu bus yuhi muskura de

Tej kitna bhi nikal ja tu mujhse,
Agle traffic par pakad hi lunga...
Mauka sabhi ko milta hai,
Mere shahar me aage badhne ka...

O dear zindagi...
Daud rahi tu naseebo ki petrol se
Tairati hai wasulo ki boat pe
Udna seekha himmat ki dor se
Ab ruke hi kyon mushkilo ke mod pe..

Dalaan me paani ke cheetien markar,
Mitti ki saundhi khushubu le leti hain..
Tu hai hi badi jugadu,
Maaji me bula ke Tasveerein le leti hai..

Samandar ki udati ret ki sarsarahat hai tu,
Jitna bachu tujhse utna lipat jati hai tu..
apne fasane chal rahe,
Aur peene ka mann hai,
Kuch waqt de mujhe
Abhi to tujhe jeene ka mann hai..

Ek boond

Ek boond padi jo galo par
Muskura pade hum,
Aankhe jab kholi to dekha
Sara shehar geela hain...